Aruba Human Resources Association
Oranjestad, Aruba, diaranson, Augustus 21, 2024: AHRA a tene su reunion general di Augustus exclusivamente pa miembro riba e topiconan: E situacion financiero di AHRA y un sesion riba e retonan financiero di empleadonan y su impacto riba e bienestar di e empleadonan.
Sudi Guda, tesorero di AHRA, a duna informacion importante di e situacion finaciero di AHRA. Despues di conclui e parti financiero di AHRA, a duna bon bini na Cristina Tromp un Budget Coach di Balor Consultancy & Services, como nos speaker di luna. Cristina a comparti su exeperencia den comprondemento di e retonan financiero y di e impacto riba e empleado y tambe e organisacion nan. Cristina a enfatisa riba e rol crucial di e empresarionan y professionalnan di Recurso Humano den ofrece apoya y guia na empleadonan den e retonan aki. Esaki no ta solamente un responsabilidad, sino tambe un oportunidad pa empodera i hasi e diferencia den crea un ambiente di trabao suportivo.
Punto nan Clave:
- Respeta privacidad: Mantene confidencialidad mientras ta sigi cu consideracion legal y etica ta imperativo.
- Reconoce stress: Ta crucial pa permanece observante pa señal nan manera meldziek frecuente, bahada di productividad, cambio y comportacion di e emapleadonan; reconoce esaki ta yuda pa ofrece ayudo na tempo.
- Comunicacion abierto: Ta esencial pa retene un ambiente sigur y inclusivo pa empleadonan por discuti nan preocupacion nan financiero y busca ayudo pa esaki. Esaki no solamente ta asegura cu nan voz ta scucha, sino tambe ta juda nos pa compronde miho nan necesidad.
Strategianan di apoyo di Recurso Humano:
- Budgeting workshops, guia personalisa, y aceso na tools nan online cu por juda e empleado pa maneha su financianan den un manera efectivo.
- Encurasha e empleyado pa crea savings nan pa emergencia pa por juda empleadonan pa navega den un crisis financiero inespera cu mas resiliencia.
- Lidera cu empatia, sin discrimination y ofrece apoyo incondicional ta crucial pa cuida e bienestar di e empleadonan durante nan retonan financiero.
E board di AHRA ta contento cu e resultado di e reunion general aki.AHRA lo continua explornado topico nan nobo y relevante hunto cu su miembro nan y tambe e no-miembro nan.
Pa mas information di AHRA por sigi nos facebook page: www.facebook.com/humanresourcesaruba. Pa mas information y interes di con pa bira miembro di AHRA por manda un email na nos Director of membership na: [email protected]