ORANJESTAD, Aruba: Diabierna awo tin eleccion y pa cu esaki Aruba Bank lo tin su servicionan di Self-Service. E Servicionan di Self-Service lo keda habri diabierna te cu 8:00 PM y den weekend di eleccion 2017 tambe. E servicionan aki lo ta habri manera custumber di 8:00 AM te cu 8:00 PM, unda clientenan di Aruba Bank por sigui haci uzo di e servicionan brinda na nan.
Clientenan por bishita e Drive Through Park Paradera, unda cu tin e servicionan di ATM, SMART Machine pa deposito di placa cash y cheque. Camacuri tambe tin Self-Service y aki tin e servicionan di ATM, SMART Mahine pa deposito di placa cash y cheque, pago di awa, coriente y telefon. Tambe tin e kiosko pa registra “Travel Notice”, peticion pa “Limit increase”, peticion pa cambio di PIN pa tarheta di credito, cambio di adres y telefon y peticion pa activa “Text banking” ariba celular.
San Nicolas tambe lo tin e Servicionan di Self-Service. E servicionan brinda na e clientela lo ta servicio di ATM, SMART Machine pa deposito di placa cash y cheque, pero tambe pago di awa, coriente y telefon.
Ta recorda clientenan dia 22 di September proximo, cu ta dia eleccion, Aruba Bank lo cera pa publico 11:00 AM.