Tin hende cu ta bisa cu nan a nota un bahada diripiente cu un cierto edad, un sintimento cu henter nan curpa ta deteriora na mes momento. Awor un estudio nobo ta haña un splicacion cientifico posibel: hopi di nos moleculanan y microorganismo ta aunenta of baha drasticamente rond di 40 y 60 aña di edad.
Pa yega na nan conclusion, investigadornan a evalua miles di molecula diferente den hende di 25 pa 75 aña, y tambe nan microbioma-bacteria, virus y fungi cu ta biba paden di e organismo y den e curpa-y a haña cu nan abundancia-esun di mayoria – no ta cambia gradualmente y cronologicamente.
Na contraste, ta experencia dos periodo di cambio rapido durante bida, cu un averahe di mas o menos 44 y 60 aña, segun cientificonan di Stanford University cu ta publica nan estudio den e revista Nature Aging.
“Nos no solamente ta cambia gradualmente cu tempo, sino cu ta produci cambio drastico. Ta resulta cu memey den bo 40 ta un momento di cambio drastico, mescos cu na comienso oro bo tin 60”, Michael Snyder ta indica, pa algun ta probable cu esaki lo tin un efecto ariba nan salud.
E cantidad di molecula relaciona cu malesa cardio-vascular a mustra cambio significante na tur dos momento, y e relacionnan cu e funcion inmunologico a cambia den personanan di 60 aña, segun un comunicado di Stanford Medicine.
DATOS DI 108 PERSONA
Cientificonan a usa datonan di 108 persona cu nan a sigui pa compronde e biologia di envejecimento miho(bira bieu). Entre otro, nan a constata cuater ageotipo diferente-patronnan di envejecimento -, cu ta mustra cu e riñon, e higra, e metabolismo y e sistema inmunologico ta bira bieu den diferente ritmo den cada persona.
Nan a analisa muestra biologico cada algun luna durante varios aña y a investiga miles di molecula diferente, incluyendo RNA, proteina y metabolitonan, y tambe cambionan den e microbiota di e participantenan.