Orounin Technologies ta Anuncia LIT.taxi: Un Web App Nobo Conectando Pasaheronan cu Taxista cu Vergunning na Aruba

ORANJESTAD – Augustus 14 2024 – Orounin Technologies ta orguyoso di por anuncia LIT.taxi, un web app nobo diseña pa facilmente connecta pasaheronan cu taxistanan cu vergunning na Aruba. Cu LIT.taxi, turistanan y localnan por haña transportation den un manera facil y eficiente, percurando cu cada trip ta sigur, salbo, y haci door di un profesional.

LIT.taxi ta resalta manera un solucion netamente Arubano, traha specificamente pa e necesidadnan di transportacion na Aruba. Taxistanan cu tin vergunning valido ta e uniconan cu por usa LIT.taxi, asegurando e isla su dedicacion na servicio di transporte regula, salbo y profesional. E app aki tambe ta bai promove Aruba su hospitalidad renombra, percurando cu cada pasahero tin un servicio lihe, facil y di calidad.

Caracteristicanan Clave di LIT.taxi:

• Exclusivo pa Taxistanan cu Vergunning: Solamente taxi chauffeur cu vergunning valido mag di registra, percurando cu tur trip ta duna door di profesionalnan qualifica.
• Cobertura di Henter e Isla: E app ta ofrece petishon pa cada trip na e taxistanan mas cerca prome, y gradualmente ta ofrecenan na chauffeurnan mas leu. Esey ta asegura un servicio lihe.
• Abono pa Taxista: Pasaheronan lo paga chauffeur directo manera ta custumber, segun e lista official di prijs. LIT.taxi no ta calcula e prijs pa trip, esey ta laga na e taxistanan. Chauffeurnan por ricibi oferta pa trip pa menos di $2 pa dia, y por abona pa 15 of 30 dia. Lo tin un Free Trial di 14 dia, cuminsando ora e app lansa.
• Anonimidad di Pasahero: E app no ta colecta ningun informacion personal di pasaheronan, cu ta mantene nan privacidad y seguridad durante e trip. No mester traha un account pa ta un pasahero, cu ta percura cu tin menos stap pa pidi un taxi.

E aplicacion di web aki ta existi manera concepto pa 6 aña, y ta den desaroyo activo pa 2 aña caba. Ela wordo desaroya independientemente, sin involucracion di gobierno di Aruba, y e no ta di un organisacion di taxista. E concepto a cuminsa den cooperacion cu un taxista cu ta desea pa keda anonimo. E app ta traha na Aruba, door di un Arubiano, pa Aruba.

Orounin Technologies ta dedica su mes na apoya Aruba su industrianan di turismo y transportacion door di brinda solucionnan innovativo cu ta mehora e experiencia di cliente, apoyando empresa local unda ta posibel. Pronto LIT.taxi lo ta disponibel pa usa rond di e isla. Nos kier invita tur taxista cu vergunning pa registra na e plataforma aki, y haña benificio di por ta mas facil pa haña. Taxi chauffeur por registra na lit.taxi/driver.
Pa mas informacion por tuma contacto via email na [email protected] of [email protected].

Tocante Orounin Technologies:
Orounin Technologies ta un empresa di technologia innovativo basa na Aruba, cu ta dedica na desaroya solucionnan cu ta soporta e isla su economia y ta mehora e calidad di bida pa localnan y bishitantenan. Anteriormente e compania a traha cu Brenchie’s Lab riba e projecto Surfside Science, coordinando y desaroyando e coleccion, e wardamento y e presentacion di data di sensor for di medio ambiente. E compania ta consisti di un persona, cu un pasion pa tecnologia, y cu ta enfoca pa traha solucionnan duradero.