Organisacion Mundial di Salud ta declara Mpox como un emergencia di salud mundial

“Nos mester ta proactivo y agresivo den nos esfuersonan pa contene y elimina e menasa aki.’

E Organisacion Mundial di Salud (WHO) a declara e brote di Mpox den parti di Africa como un emergencia di salud publico di interes internacional.

E malesa hopi contagioso, anteriormente conoci como Monkeypox, a mata por lo menos 450 persona durante un brote inicial na Republica Democratico di Congo.

E ta causa sintomanan similar na griep, lesionnan di cuero y por ta fatal, cu cuatro di cada 100 caso ta conduci na morto.

E malesa a plama awor den parti di Afrika sentral y oriental, y cientificonan ta preocupa cu con lihe un variante nobo di e malesa y su cantidad halto di morto ta plama.