Wardacosta ta duna asistencia na personanan cu boto a bolter riba lama

Oranjestad-Aruba

Awe mainta Wardacosta a ricibi un notificacion di Cuerpo Policial Aruba encuanto un boto cu lo mester a bolter banda di Malmok. Wardacosta a dirigi un Metal Shark pa brinda asistencia na e tres hendenan y e boto. Na yegada enberdat a topa un boto di bolter cu tres persona cu tawata tene na e boto. Wardacosta cu yudansa di e tres personanan a logra pa tou e boto y bai cu e boto Palm Beach. Tur tres persona a yega costa sano y salvo.