Informacion di polis; relaciona cu e ultimo desaroyonan di taxistanan

Den cuadro di e desaroyonan di e ultimo dianan, pa cu e manifestacion di taxistanan, Cuerpo Policial den consulta cu Minister di Husticia Sr Rocco Tjon ta informa lo siguiente.

Polis tey pa orden publico. Nos ta respeta e derecho cu cada ciudadano tin pa manifesta nan mal contento. Cuerpo Policial ta respeta esey den un estado di derecho.

Pero no ta permiti pa stroba trafico den nos pais y tampoco pa blokea camindanan vital pa cu nos turismo.
Polis lo actua pa evita cu esaki pasa.

Ta spera cu tur cos bay den bon ambiente y cu e orden publico keda prevalece.