242
Avenida Nelson O.Oduber – Dialuna marduga pasa di 1’or polis a bay cu urgencia na e rotonde di Superfood, unda cu un auto a bolter.
Esnan cu tawata cerca a avisa tambe cu e auto un Hyundai Getz color blauw a saca e chauffeur y esaki a cay ariba dje. Pues e chauffeur tawata bou di auto, momento cu Paramediconan a yega.
Mesora a pidi asistencia di Brandweer, pa yuda saca e chauffeur masculino.
Rapidamente cu e la wordo saca, unda nan a hink’e den e Ambulance y despues di rato cortico sali mesora cu ne direccion Hospitaal.
Mester bisa cu e la bay den situacion serio pa Hospitaal.
Specialista di trafico a wordo pidi, pa investiga e accidente aki, unda cu fuera di velocidad halto posiblemente tin mas factor cu a hunga un rol.
