195
Papayastraat Dakota – Diadomingo anochi bisiñanan den Papayastraat a scucha bastante zundramento y gritamento saliendo for di Papayastraat 13.
Tawata den careda di 9’or y mey cu varios unidad policial a bay pura Dakota, e caya net panort di Misa Fatima pa un homber furioso cu cuchiu den man.
A resulta cu e homber lo tawata kier a hinca su casa y polisnan mester a yega na ora preveni un drama.
Polisnan a yega y mesora a bay over na detene e homber y a pidi transportwagen.
Momento cu e homber a subi transportwagen e la bisa cu su casa lo ta duna/fia e ruman muhe su placa y awor e ta den problema.
Pues e lo no a keda contento cu su casa ta mishi cu su placa pa fia famia.
