Breugelstraat – Diasabra den oranan di anochi un pelea cu hende herida lo a tuma luga del Elleboogstraat. Eynan un hende aparentemente lo a wordo maltrata cu “machete” y mester a yama ambulance pa esaki.
Na e sitio polis lo a haya un descripcion di e persona cu lo a comete e acto aki. Y e nomber Jennirette a cay.
Polisnan mesora a cuminsa tira bista rond y a bin hay’e net na e skina di e edificio di Corte. Pero, e muhe tawata asina intoxica y mirando cu e ta un persona violento a pidi extra polis, pa pone den boei.
E la wordo carga door di polisnan y hinca den e transportwagen. Por a mira un of su cacho masha atento ta trata na compronde kiko ta pasando, ora nan tawata poniendo e den e vehiculo.
Na final polis a trata na piki algun pertenencia cu a keda atras pabou di corte.
E sitio ey por bisa ta un luga vast pa hopi di e adictonan reuni y tambe drumi anochi.
