E lider opositor Venezolano María Corina Machado a papia awe diasabra dilanti di un multitud na Las Mercedes, #Caracas, na e punto di concentracion di e protesta convoca pa e oposicion contra e resultadonan anuncia pa e Consejo Nacional Electoral (CNE), cu a duna como ganador na presidente Nicolás Maduro aunke, seis dia di e eleccion, y ainda e no a presenta e actonan cu ta certifica e victoria.
“Nos ta aki cu orguyo di ta Venezolano. Nos tin e respet y admiracion di henter mundo”, Machado a cuminsa su discurso.
E marcha di e oposicion a sali for di un zona cerca di e residencia di Machado, cu lidernan politico den un truck uza den e campaña cu e mensahe “Ganó Venezuela”.
Varios lider di e Plataforma Unitaria a subi e truck, aunke a resalta e ausencia di e candidato presidencial opositor Edmundo González Urrutia. Durante e tour, hende a aplaudi y grita, tanto for di autonan pasando y negoshinan.
Pa banda di Gobierno di Nicolás Maduro nan tambe a convoca durante e siman un “movilizacion permanente”. Ariba diaranson 31 di juli, #Maduro a bisa for di e asina yama balkon di e pueblo, na Palacio De Miraflores dilanti su simpatizantenan: “diasabra mi ta invita boso na e mama di tur e marchanan pa celebra e victoria di paz na Caracas”.