E grupo dispersa di hacker y activista digital conoci bou Anonymous a expresa nan rechazo pa e resultadonan emiti pa e Consejo Nacional Electoral (cne) na Venezuela, cu sin detaye di e escrutinio a duna como ganador Nicolás Maduro.
Via nan cuenta ariba X, Anonymous a atribui e caida di portalnan web oficial di e regimen di Maduro, principalmente e pagina di e Presidencia.
E grupo tambe a carga contra e paisnan cu no a pronuncia nan mes na fabor di e Venezolanonan cu ta exigi respet pa nan voto.
“Chile, Costa Rica y Peru ta rechaza e pretension di victoria di Maduro. Tawata spera cu mas pais tambe lo a rechas’e. A bin un campaña di fraude electoral na Venezuela pa parti di Maduro, bo no mester di hacker pa mustra bo loke e pueblo a mira awe”, Por a ser lesa den e publicacion di Anonymous
“Dictador di man robes of dictador di man drechi, no tin un bon dictador. Defende e tiranonan ta defende tiranonan riba soño y hopi biaha cadavernan di e hendenan riba cua nan ta construi nan rikesa y poder. Esakinan no ta lidernan ni gobiernonan, solamente criminalnan na poder. Si bo ta defende tirania, no ta importa cuanto bandera of ideologia bo ta envolvi aden, bo ta un tirano tambe”, nan a sigui bisa.