E Comando Con Venezuela a informa cu dia 31 di juli, durante e discusion di E Organizacion Di Estadonan Americano (OEA) riba Venezuela, nan a purba afecta nan pagina web di revision di actonan electoral (resultadosconvzla.com).
E comando di campaña di lider opositor María Corina Machado y candidato Edmundo González a detaya cu den 24 ora nan a haya mas di 32 miyon di consulta y a mitiga mas di 44 miyon cyber attack.
E oposicion a lansa e pagina web dia 29 di juli pa permiti ciudadanonan revisa e resultadonan basa riba 73,20% di e actonan emiti pa e machinenan electoral, cu ta duna como ganador Edmundo González, contrario na loke a anuncia pa e Consejo Nacional Electoral (CNE), cu ta menciona como ganador Nicolás Maduro,
PREVIO DENUNCIANAN
E organisacion no gubernamental (ONG) VE sin filtro a denuncia dia 30 di juli cu e pagina di E Comando Con Venezuela pa verifica e actonan di votacion di e proceso electoral a ser bloquea den varios server di Internet di e pais.
“Ta blokia riba casi tur proveedor di Internet na Venezuela e website resultadospresidencialesvenezuela2024.com un par di ora despues di su lansamento”, E organisacion a skirbi riba su cuenta di e red social X.
VE sin filtro a enfatisa cu via e proveedornan di Internet di CANTV, Movistar, Digitel, Inter, NetUno, Airtek y Cable Norte no por accede na E website di E Comando Con Venezuela.
Pa evitá e tipo di blokeadanan aki, e team di El Diario ta recomenda e usuario pa usa e rednan priva virtual (vpn). E tool aki a permiti Venezolanonan acceso na portalnan di noticia, pagina web di organisacionnan civil, entre otro.