Paradera – Diasabra merdia algo prome cu 3’or polis a bay pazuid Stichting Thuiszorg Aruba na Paradera pa un accidente serio di brommer cu auto.
Un agente na burger a pasa y a topa cu e accidente y mesora a bati alarma cu ta un accidente serio. Unda cu e motociclista a keda seriamente herida na su pia drechi.
Patruyanan mesora a cuminsa yega cu urgencia pa e caminda di Paradera pa Jaburibari y cera esaki.
Mientrastanto e motociclista tawata ariba suela y algun persona rond di dje. E motociclista aparentemente lo tawata caminda pa trabou.
Na e sitio nos a papia cu e señora na stuur di e Ford envolvi, y e la conta nos e ta bayendo zuid y e brommer tawata ariba su banda robes y ta dal contra e Ford dilanti y bay cay algun meter mas patras.
Den e impacto e la herida su pia seriamente. Na yegada Paramediconan a preparé y algun minuut despues a sali direccion Hospitaal.
Polis di trafico a haci su investigacion y caminda por a wordo habri bek.
E motociclista tawata tin hopi suerte, mirando cu tawata cerca di un cura di cas y por a bay dal su cabes.
