ORANJESTAD, Aruba – 17 di juni 2024: Specialmente pa e asociadonan di Aruba Marriott Resort cu ta traha warda di anochi, a organisa un evento den anochi te laat, pa por celebra e siman special cu tur empleado. Un gran cantidad di asociado a participa. For di dia 3 di juni te cu dia 7 di juni Aruba Marriott Resort a organisa diferente actividad den cuadro di e celebracion di Associate Appreciation Week. E actividadnan a varia entre bingo, bowling, coremento y trabou comunitario.
Durante e di cuater dia, e departamento di Recurso Humano di Aruba Marriott, a organisa un “Night Shift Event Dance & Enjoy” pa tur e asociadonan cu ta traha anochi. Ben Figaroa, General Manager (Casino), a comenta cu durante e di cuater anochi a tuma tempo pa demostra aprecio na e asociadonan.
Durante e anochi aki tur e asociadonan a disfruta di comemento y bailamento. E fiesta aki ta organisa cu e asociadonan di “night shift” den mente, di e manera aki nan tambe por a forma parti di e Associate Appreciation Week. Durante dia tabatin actividad caba. Ben Figaroa a comenta cu “bar ta bon gestock pa tur hende por disfruta awe nochi”. Por ultimo e gerente general di casino a gradici tur e asociadonan pa nan labor di tur dia. Tur aña Aruba Marriott ta celebra Associate Appreciation Week, aki ta caminda tur e asociadonan ta bin hunto pa celebra e trabou cu nan ta eherce pa turismo di Aruba na Aruba Marriott.
Tocante Aruba Marriott Resort & Stellaris Casino
Aruba Marriott Resort & Stellaris Casino a habri na aña 1995 cu 411 camber y a añadi tres camber na 2018. Na aña 1999 a habri Ocean Club cu 311 camber y na aña 2004 a habri Surf Club cu 900 camber. Na tur, e famia di Marriott Aruba ta consisti di mas o menos 1300 empleado den servicio directo. E compleho di Marriott Aruba ta esun di mas grandi den henter Caribe, tanto den cantidad di camber como den cantidad di empleado.
