301
Un otro anuncio di alerta ariba e clima a ser anuncia diaranson , incluyendo cu e planeta a registra e Mei di mas calor, cu ta eleva e cantidad na diesdos luna consecutivo di record mundial, segun un raport di World Meteorological Organization.
I no ta verwacht cu a cayente lo baha. Tin un chens di 86% cu por lo menos e proximo cinco anjannan, entre 2024 y 2028, lo surpasa 2023 pa bira e mas calor registra, segun e raport di WMO.
E temperatura anual global promedio pa cada aña entre 2024 y 2028 lo ta entre 1,1 Grado Celsius y 1,9 grado Celsius mas halto cu e temperatura promedio durante e añanan di e periodo preindustrial, di 1850 pa 1900, tambe segun e raport.
E datonan ta mustra cu mundo ta den problema serio, Secretario General di Nacionnan Uni, Antonio Guterres, a enfatisa durante su comentarionan na Museo di Historia Natural di New York City diaranson mainta.
Aki na Aruba tambe, nos por sinti e calor y cayente intenso den oranan di dia y anochi. Un calor sumamente sofocante.