Esaki ta locual scientificonan ta pronostica pa e temporada.
Scientificonan di NOAA ta predeci entre 17 y 25 tormenta cu nomber, compara cu un averahe di 14; entre ocho y 13 horcan, compara cu un averahe di 7; y entre cuater y shete horcan grandi, compara cu un averahe di tres.
Ta spera cu tur categoria di tormenta lo surpasa e cantidad tipico cu ta wordo mira tur aña, meteorologonan di Servicio Meteorologico Nacional a anuncia diahuebs ultimo den un conferencia di prensa riba pronostico di horcan pa 2024.
Februari ultimo scientificonan a cuminsa pensa y debati pa pone un catergoria acerca di horcannan. Prome nos ta papia di categoria 1 pa 5, awor kier of lo bay pone un categoria 6. Tur esaki ta bin door di e cambionan climatico drastico.
Ora cuminsa papia di un horcan grandi, ta referi na categoria 3, 4 y 5 cu bientonan di 178 km of mas halto pa ora. Cu ta devastador.
Temperatura record cayente di lama den Atlantico y un La Niña den desaroyo cu lo reduci e biento cu ta supla den Atlantico west probablemente lo contribui na e aumento di e cantidad di tormentanan.
Temporada di horcan ta juni 1 te cu november 30. E punto mas halto di e temporada ta rond di september 10 segun NOAA.