166
Sero Colorado/Colony: Dialuna den oranan di atardi ta sosode un accidente hopi serio, na altura di e Shelter pa adicto den Colony. Mesora ta manda un patruya di San Nicolas na e sitio.
Na yegada nan ta bin compronde cu e chauffeur di un auto Suzuki Swift a dal un ciclista, lagando e seriamente herida.
Dr. Meelis cu pa casualidad tabata den cercania, mesora a cuminsa trata e victima na e sitio, ela nota cu e victima a haya hopi sla na cabes y ela pidi pa presencia di ambulance cu hopi urgencia.
Na yegada personal di ambulance a prepara e victima y polis a habri caminda pa e ambulance por a yega cu hopi urgencia pa hospital.
E victima su situacion ta hopi critico y ta teme pa su bida.