Un homber di Washington DC cu a kere cu e la gana $340 miyon a demanda Powerball y DC Lottery, cu a bisa cu nan publica su numbernan debi na un eror.
John Cheeks a conta cu e la “perde gevoel” ora e la mira numbernan ganado di e Powerball cu ta igual cu esun di dje, januari 2023.
Pero ora cu Cheeks a bay e Office of Lottery and Gaming pa reclama su premio, e la wordo nenga di haya esey.
Eynan, ” Un di agentenan a bise cu e ticket ey no ta bon, y pa bent’e afo den bari sushi” Cheeks a conta BBC.
Alcontrario; Mr.Cheeks a keda cu su ticket y a busca un abogado.
Awor e ta demandando e loteria pa e dañonan haci, pa e suma di e Powerball jackpot, plus e interes cu e lo mester a haya pa cada dia – cu ta suma $340 miyon.
” ERROR ACCIDENTAL”
Segun documentonan di corte,
Powerball y un contratista di loteria, cu ta Taoti Enterprises, cu sede na DC, a bisa cu lo ta trata di un confusion cu a surgi for di un eror tecnico.
Den un presentacion na corte, un empleado di Taoti a bisa esey ta dia 6 di januari 2023, e dia cu Sr Cheeks a cumpra su ticket, un team di calidad y seguro tabata bezig haciendo test ariba e website.
Ariba e dia ey, a haci algun test cu numbernan di e Powerball, e numbernan aki a “per ongeluk” a wordo publica ariba e website segun documentonan di Corte. Y numbernan aki tawata e mesun numbernan ariba e ticket di Mr.Cheeks cu a keda tres dia online (ariba nan website), di januari 6 pa januari 9 2023.
E numbernan online no ta numbernan cu a sali den e ultimo loteria, segun un empleado di compania Taoti.
BBC a trata di contact Powerball of Taoti pero tawata envano.
Abogado di Sr. Cheeks, Richard Evans, a bisa den documentonan di corte cu pasobra e numbernan ganador ta igual cu di Sr. Cheeks
, e tin derecho ariba ” totalidad di e
jackpot”.
De lo contrario, sr. Evans, a bisa:
Cheeks tin derecho riba daño debi na
“negligencia grave” di e loteria pa
publica numbernan di loteria eroneo.
“E demanda aki ta lanta preguntanan critico
riba integridad y responsabilidad
di operacionnan di loteria y e
siguridad, of falta di esaki, contra
tipo di erornan cu Powerball y
DC Lottery cu a tuma luga den
e caso aki”, Evans a bisa BBC den un declaracion.
“Esaki no ta simplemente numbernan den un
website; ta trata di e confiansa den
institucionnan cu ta priminti
oportunidadnan grandi den cambio di bida, mientras cu e ta beneficia grandemente di
e proceso”, e la bisa.
Mr.Cheeks a bisa cu e tin speransa.
“Mi sa cu husticia mester prevalece”, e la sigui bisa tambe cu e placa di e loteria por a tawata un cambio grandi pa su famia.
February 23 lo tin un otro caso den corte; Cheeks a bisa cu si e gana e lo habri un Home Trust Bank pa yuda hendenan cu kier cumpra un cas.
E probabilidadnan di Sr. Cheeks, of di ken sea, pa
gana un/e premio grandi ta sumamente
raro, ta un(1) den 292.2 miyon.
Compara, cu e chance di wordo gedal
pa lamper durante e siguiente aña ta 1 den
1.22 miyon, segun Servicio Meteorologico Nacional di Merca(Us National Weather Service).