Esnan cu ta traha den oficina mester mas ehercicio pa contraresta impacto di ta sinta henter dia

Bo ta cansa di ta sinta dilanti di bo lessenaar henter dia? Ta resulta cu esaki tampoco ta bon  pa salud, segun un estudio nobo publica den JAMA Network Open.

E personanan cu ta pasa mayor parti di dia sinta na trabao tin 16% mas riesgo di mortalidad pa tur e causanan y 34% mas di riesgo di mortalidad pa malesanan cardiovascular.

Segun e investigadornan, pa contraresta e riesgo mayor aki, e personanan cu ta pasa hopi tempo sinta na trabao lo mester realisa entre 15 y 30 minuut mas di actividad fisico diario pa reduci e riesgonan menciona compara cu e personanan cu no ta pasa hopi tempo sinta.