Evelyn Wever Croes, Mientras tanto tur hende a cuminsa haya nan formulario di belasting di 2016 pa yena, hopi hende ta puntra nan mes dicon ta te awo nan a ricibi’e, pero ban laga esaki un banda y Evelyn ta sigui informa cu Si bo a ricibi un formulario bo mester yene y entregue sino bo ta haya boet. Pesey ta importante pa bo sa kiko bo mester haci pa cumpli cu bo deber.
Mescos cu tur anja MEPlo yudabo un biaha mas na cede, cu e campaña pa yenamento di e formulario di belasting di 2016, lo ta riba Diamars y Diahuebs atardi y Diasabra mainta, pa dos siman sigui, no mester haci cita, si bo no ta miembro di MEP tambe bo ta bon bini, paso e campaña aki no ta solamente pa votadornan di MEP, pero pa henter e comunidad di Aruba.
Lo ta bay tin diez persona experto riba e materia aki cu lo yudabo yena bo formulario di belasting.
Loke bo mester bin cune ta e formulario di inkomstenbelasting di 2016, cuminsa na buska bo documentonan, e comprobante di bo entradanan di 2016. Si bo ta traha bo mester bin cu e prueba cuanto ba gana den 2016 y si bo tin pensioen un prueba cu bo ta cobrando pensioen.
Bo gastonan cu ta hopi importante, e interesnan cu bo ta pagando riba bo fiansanan, na banco, na Island Finance etc.. buska un comprobante cuanto interes ba paga e aña aki. Tambe si bo tin un seguro di bida cuanto prima bo a paga di esaki. Ora bo tin yiu ta studia den exterior, bo por haya un deducion adicional, pero bo mester demostra cu fin di aña pasa bo yiu tabata inscribi na un scol den exterior, sea na Hulanda, Merca of Costa Rica etc.. y e gastonan cu abo mes ta haciendo pa bo yiu, esaki nan ta algun punto hopi importante.
Pa nos pensionadonan Evelyn kier a haci un apelacion fuerte, corda cu mester buska e documento na S.V.B., di cuanto pensioen di biehes bo a ricibi, paso no ta tur hende ta haya mes hopi y si bo no tin e papel di bo, bo por wordo perhudica, si acaso bo no yena un suma cu ta corecto
Evelyn a sigui extendiendo un invitacion na un y tur cu mester di ayudo pa yena e formulario, por cuminsa pasa entrante otro siman Diamars pa 6’or di atardi, na Cede di MEP pa e campaña di yenamento di e formulario di belasting di 2016.
Mane Evelyn ta bisa semper, paga belasting ta un deber di nos tur pero no paga di mas belasting si. Yena bo formulario na tempo y MEP lo yudabo yen’e pa bo no paga di mas y asina evita molester cu e tema aki di belasting.