Un estudio nobo a revela
cu e vet abdominal por ta relaciona cu e promer etapanan di e enfermedad di
Alzheimer varios decada prome cu e sintomanan cuminsa manifesta.
E investigacion a descubri cu hende entre 40 y 50 aña cu tin un cantidad mas halto di vet abdominal oculto “tabatin un cantidad mas halto di un proteina anormal yama amiloide den un parti di nan cerebro cu nos sa cu ta un di e promer luganan unda e Alzheimer ta manifesta”, asina a bisa Dr. Cyrus Raji, autor principal di e estudio y profesor asocia di Radiologia na Facultad di Medicina di Universidad di Washington na St. Louis.
E placanan di beta amiloide den e cerebro ta un di e señalnan caracteristico di e Alzheimer hunto
cu e rolnan di un proteina yama tau. “Tambe tin un diferencia den e genero,
caminda hende hombernan tabatin un relacion mas halto entre e vet abdominal y e
amiloide cu hende muhernan”, Raji a bisa.
“E motibo pa cual esaki ta importante ta pa motibo cu e hombernan tin mas vet visceral cu e muhernan.”
E studio ta destaca e importancia di mantene un peso saludabel y preveni acumulacion di vet den e
parti abdominal pa reduci e riesgo di desaroyo di Alzheimer.
E descubrimentonan recien ta brinda un luz riba e conexion entre e salud di nos curpa y e riesgo di desaroyo di enfermedadnan cerebral serio manera Alzheimer.