Den cuadro di celebracion di dia International di Derecho di Mucha y 24 aña di existencia 131, 131 conhuntamente cu The Movies @ Gloria a organisa ariba 20 di november ‘Get The Message’.
Durante ‘Get the Message?!’ studiantenan di Prinses Amalia Basisschool klas 5 y 6 y Schakel college klas 1 y 2 a mira, analysa y discuti tocante diferente short movie cu ta trata diferente derecho di mucha. Nan a elabora tocante e derechonan y a analysa e situacion actual tocante e derechonan aki na Aruba. Esaki a tuma lugar na The Movies @ Gloria di 08:30 am. pa 12:30 pm.
Algun di e derechonan cu a ser trata ta articulo 1, 3, 5, 9, 13, 16, 19 etc.
The Movies @ Gloria a percura pa e muchanan ricibi un popcorn y cos di bebe. Na final e muchanan y e docentenan a keda sumamente contento cu e dia.
131 kier a gradici su diferente partnersnan cu ta tuma nan impacto social na serio y ta inverti den e muchanan y hobenan. Un gradicimento ta bay na Setar N.V., Aruba Airport Authority N.V., Web Aruba N.V., The Salamander Group, RBC Royal Bank (Aruba), Watty Vos BLVD, Green Corridor Aruba, DOW, Albo Aruba General Contractors, The Movies Aruba, Telearuba y Media di Aruba.
Pa mas informacion tocante Get the Message?!’ por tuma contacto cu Fundacion Telefon pa Hubentud Aruba via nos facebook: https://www.facebook.com/aruba.131, email: [email protected] of telefon 5886138/ 5884011.
