Shakira a acepta paga 7.3 miyon Euro den caso di fraude fiscal na Spaña

SPAÑA: E cantante colombiano Shakira ora cu el sinta dilanti di un corte na Spaña, el a djis bisa “Si”. Esey tabata su contesta ora cu a puntr’e si e tabata acepta e delitonan di cual e tabata wordo acusa di dje.
Di e forma aki, e cantante a yega na un acuerdo cu e fiscalnan Spaño pa resolve un caso di fraude fiscal, net ora cu e huicio tabata den cuminsa.
E artista colombiano a acepta paga un suma di 7.3 miyon Euro (US$8 miyon) evitando cu, di wordo declara culpabel, e lo mester a bay prison durante 8 aña y haya un boet di 23.8 miyon Euro (US$26 miyon), manera e fiscalnan a solicita.
Shakira tabata acusa di a comete fraude contra e Estado Spaño den 14.5 miyon Euro (US$15.8 miyon) entre 2012 y 2014.
E cantante a acepta un castigo di tres aña di prison cu e no lo cumpli. Shakira, cu a nenga varios biaha di a actua contra ley, a bisa cu a yega na un acuerdo pensando riba su yiunan, kendenan no kier wak su mama sacrifica e bienestar personal den e lucha aki”.
Meymey di e disputa tin su status di residencia entre 2012 y 2014.