Crusada Kadushi Largo – Diadomingo merdia polis y ambulance a sali direccion crusada di Kadushi Largo cu Sero Compa.
Eynan un accidente entre dos auto laga varios persona herida atras.
Na yegada di polis nan ta topa cu un Chevrolet Tahoe y un Nissan Tiida, ambos cu basta daño material y tambe ocupantenan herida.
Esnan mas herida a resulta esunnan den e Tiida, cu na yegada di Paramediconan mesora mester a cuminsa duna ayudo.
Na e otro banda di caminda por a mira cu debi na impacto fuerte e airbag nan a sali. E ocupantenan tawata sinta pafo den e algun beach chair wardando ayudo medico.
Polis di trafico presente a cuminsa tuma datonan y tambe cuminsa investiga kiko exactamente a sosode.
Ariba e crusada aki ta masha hopi accidente a yega di sosode unda hendenan ta resulta herida.
E unidadnan di Ambulance cu a yega mester atende cu tur e heridonan y alabes transporta esnan cu mester bay Hospitaal pa tratamento mas avansa.
