Ariba 9 di november ultimo e logo nobo di Fundacion Telefon pa Hubentud Aruba a ser revela durante un bishita di Prinses Beatrix na e organisacion.
Despues di 24 aña Fundacion Telefon pa Hubentud Aruba/ 131 a cambia di logo. Agradiciedo na e represantacion cu e logo anterior a haci pa nos organisacion durante 24 aña, nos a tuma despedida di dje. Mirando tur e servicionan nobo cu nos organisacion ta dunando y cu den futuro cercano lo bin acerca y asina aki prepara nos organisacion pa e siguiente 25 aña. Nos a duna e muchanan y hobenan di Aruba e oportunidad durante un competencia di pintura pa yuda nos yega na nos logo nobo. Un diseñador profesional a ahusta e pintura ganador overall den un formato profesional.
E logo ta ilustra un mucha, hoben, adolecente. E logo ta ilustra hende muher y hende homber. E logo ta e mucha, e hoben, e adolecente cu ta busca/ ricibi asistencia for di nos organisacion. E color blauw ta ilustra e derechonan di mucha cu nos organisacion ta funda ariba dje y ta para pe. E outline blauw cu ta forma e mucha/ hoben/ adolecente ta ilustra cu e asistencia di 131 ta rond di e mucha/ hoben/ adolescente, y ta protege e mucha/ hoben/ adolescente contra di tur locual ta stroba su desaroyo y ta strobe di disfruta di su derechonan. Bo por mira cu e mucha/ hoben/ adolecente ainda ta na telefon, locual ta hiba bo untiki bek na con nos a cuminsa. E mesun telefon aki, cu ta mas moderno, ta ser uza door di e mucha/ hoben/ adolecente pa yama, ta ser uza door di e mucha/ hoben/ adolecente pa chat cu nos, manda nos email y bishita nos website y nos socials. Tambe e mucha/ hoben/ adolescente ta ricibi informacion di 131 durante charla, tayer of proyecto na scol.
Manera e ultimo 24 aña, den e siguiente 25 aña e servicionan lo ta gratis y anonimo.
131 kier a gradici su diferente partnersnan cu ta tuma nan impacto social na serio y ta inverti den e muchanan y hobenan. Un gradicimento ta bay na Setar N.V., Aruba Airport Authority N.V., Web Aruba N.V., The Salamander Group, RBC Royal Bank (Aruba), Watty Vos BLVD, Green Corridor Aruba, DOW, Albo Aruba General Contractors, The Movies Aruba, Telearuba y Media di Aruba.
Pa mas informacion tocante e logo nobo di Fundacion Telefon pa Hubentud Aruba por tuma contacto cu Fundacion Telefon pa Hubentud Aruba via nos website: 131.aw, facebook: https://www.facebook.com/telefon.hubentud/, email: [email protected] of telefon 5886138/ 5884011.