Sabana Liber – Diadomingo marduga patruyanan di Noord a bay bastante pura altura di Brug di Madushi.
Tawata diadomingo marduga den careda di 1’or cu un vehiculo marca Chevrolet, lo tawata lastrando un persona for di e warda di polis di Noord pa direccion Brug di Madushi.
Esaki tawata motibo pa polisnan yega mas lihe cu ta posibel e sitio.
Den algun minuut dos patruya a yega.
Altura di e bruga nan a bin haya un auto Chevrolet color blanco para. For di panort di caminda a crusa un hoben y un cabayero di edad cu a resulta di ta su mayor.
Agentenan a halanan for di otro pa asina papia cu ambos, pa saca afor kiko a sosode. Por a mira claramente cu e tata tawata bou influencia.
A bin resulta cu hendenan pasando a mira kiko tawata sosode y a yama polis; debi cu e yiu lo tawata wanta na e auto pa stop su tata di core auto burachi.
Cual sigur tawata un bon intencion; pero tampoco di e manera ey paso e por a termina den un tragedia.
Na final por a mira e tata yamando telefoon na yoramento. Mester warda pa un persona buscanan.
