Nan ta keda purba; A hasi detencion di boto sospechoso cu 16 indocumentado

Oranjestad -Aruba

Diadomingo madruga un boto sospechoso nabegando direccion di Sero Colorado,
Aruba a ser detecta. Mesora a dirigi un Metal Shark pa intercepta e boto. Despues di intercepta
e boto e agentenan di Wardacosta a haya abordo 16 persona, di cual 15 hende homber di
Venezuela y 1 hende muhe procedente di Colombia. E boto a wordo treci na e pier na Savaneta
caminda e personanan a ser entrega na Guarda nos Costa. E capitan y su ayudante a ser
entrega na Cuerpo Policial di Aruba, cu lo sigi cu e investigacion.