Dialuna mainta riba invitacion di e grupo nucleo di nos grandinan akinan na Aruba, miembronan di partido Pueblo Orguyoso y Respeta (POR) a sinta cu e grupo y a combersa tocante e programa di POR ‘Vision 17-21 Hunto Nos POR’. Nan a duna di conoce cu nan ta hopi contento cu e contenido di e programa aki y cu hopi di e puntonan cu a wordo atendi cu ne den e programa, ta puntonan di prioridad pa nan tambe y a trece algun punto mas dilanti cual nan lo kier pa nos pone atencion na dje.
Asina kier a refleha cu durante henter siman hasta na momento di bishitanan di cas, ta tuma nota cu e peticion pa e program di POR ta grandi. E unico partido cu a presenta un plan realistico pa 2017 – 2021. E programa completo di POR ta disponibel riba pagina di Facebook POR E Forsa Nobo e docmento ta ‘mobile friendly’ tambe pues bo por tin acceso na esaki riba bo aparato electronico preferi. Pa esnan cu ainda no por a wak nos plan di gobernacion, durante siman algun parti/informacion di e contenido ta wordo publica den corant.