Varios detencion; relaciona cu corupcion den KIA

Oranjestad – Aruba
Bao guia di Ministerio Publico, Polis a detene awe siete sospechoso durante huiszoekingnan na cinco adres na Primavera, Rancho, Madiki, Paradera y Savaneta. Esaki relaciona cu un investigacion penal di corupcion bao bewakernan di prison. Tres di e sospechosonan ta bewaker den KIA.

Durante e huiszoekingnan a confisca, entre otro, droga. E investigacion ta andando y mas detencion no ta wordo exclui.

E investigacion ta den man di Cuerpo Policial di Aruba, cu ta inclui tambe rechercheurnan di RST, a base di e protocol en cuanto cooperacion specializa di recherche entre e paisnan den Reino.