389
Tamarijn: Diadomingo den careda di 11’or di anochi, riba e caminda di Tamarijn pa Sero Pita a sosode un accidente, mesora a pidi pa presencia di polis y ambulance.
Un dama tras di stuur di su auto tabata biniendo di pabou bayendo direccion Sero Pita. Pa un of otro motibo e la kita bay na su man robes pasa den algun mata y bay bolter den un rooi basta hundo.
Na yegada di polis e dama mes a logra sali for di e auto.
E paramediconan cu a yega a atende cu e dama cu a cana subi den e ambulance.
Mirando cu tur cos tabata na ordo, polis por a sigui su caminda asina cu Forensys a yega na e sitio. Agentenan a tuma datos di e dama chauffeur tambe cu a pasa den un susto basta bon, cu e lo no lubida pa un tempo largo.
