Sero Patrishi – Diadomingo marduga un automobilista a mira bastante stof bay halto altura di Polyrama, mesora a slowdown y ta mira un grupo ariba Harley, para panort di caminda.
A resulta cu e chauffeur di e Ford a perde control y bay dal hopi dura contra un mata.
Polis cu a yega basta rato despues no a topa cu e chauffeur. A resulta cu e la cana bay mas pariba y tawata sinta dilanti un negoshi. Algun rato despues e la cana yega bek unda su auto a kibra.
Eynan e la splica polis den su version cu e lo tawata ariba e caminda y aparentemente un grupo ariba Harley lo a sali su dilanti y causa cu e la perde control.
E automobilista a mira si con esnan ariba Harley a baha bay na e auto, pero den u frega di wowo tur a bandona e sitio.
Polis a ripara cu e chauffeur tawata tin basta dolor na lomba, pero toch despues di un rato no tawata desesa asistencia medico y mester a warda ariba compania di seguro yega.
