303
Pos Abou:
Diadomingo algo pasa di 3’or di marduga, a sosode un accidente cu un persona herida riba e caminda di Pos Abou pa Hato. Mesora a pidi pa presencia di polis y ambulance.
Na yegada a bin compronde cu chauffeur di un MG, tabata bayendo direccion pariba y pa un motibo of otro lo a perde control cu su auto, a baha caminda y a bay dal contra un troncon di un mata grandi.
E impacto fuerte a laga e chauffeur herida y e auto a haya basta daño material.
Paramediconan di Ambulance a trata e chauffeur na e sitio y despues a transport’e pa hospital pa un tratamento medico mas avansa.
