Tamarijnstraat Dakota – Diaranson den oranan di mainta Brandweer y polis mester a bay dos biaha den Dakota. E prome biaha segun nos a compronde tawata den Caya Papa Juan Pablo(ex Rondweg).
Tur esaki a cuminsa alrededor di 10’or ney di mainta.
Den ex Rondweg no ta mustra cu e caso tawata serio.
Pero, si polis a wordo bisa cu habitantenan lo a mira un individuo sali di e adres, y despues e candela a cuminsa. Pero esaki lo no a haci mucho cos.
Algun rato mas despues, den un caya pazuid di Caya Papa Juan Pablo, candela a cuminsa den Tamarijnstraat number 2 un cas bieu no habita. Pero treciendo un peliger pa e casnan rond.
Aki nan si Brandweer mester a drenta den accion, pa evita cu e candela expande. Brandweer a sa di domina e candela na e adres aki tambe.
No ta exclui e posibilidad cu e candela aki lo a cuminsa door di e mesun individuo cu tawata den Caya Papa Juan Pablo II algun minuut prome.
Pues, si ta bon habitantenan di Dakota tira bista ariba un individuo cu lo por ta actua sosopechoso y avisa polis.
