Kralendijk, Boneiro:
Djamars próksimo Konseho Insular ta tene su promé reunion públiko di komishon di Planifikashon i Desaroyo (R&O) despues di resès, o sea e periodo sin reunion entre 19 di yüni i 11 di ougùstùs.
E reunion aki ta planiá riba agènda pa djamars 15 di ougùstùs pa 16:00 or i ta presidí pa e presidente di e komishon (i alabes miembro di Konseho Insular) Benito Dirksz. A invitá Kolegio Ehekutivo pa e reunion akí, relashoná ku interkambio di informashon enkuanto e situashon mas resien i desaroyonan di e revishon general di e Plan di Desaroyo Teritorial Boneiru (ROB) i di e Maneho di Alohamentu di Entidat Públiko Boneiru.
Akseso liber
Debí na e trabounan di mantenshon ku ta realisando aktualmente den e edifisio di Passangrahan, e reunion akí ta tuma lugá na Courtyard by Marriott,. Konseho Insular ta haña importante pa enfatisá ku tantu medionan di komunikashon komo poblashon di Boneiru tin akseso liber na tur reunion públiko. Tambe por sigui tur reunion públiko ‘live’ via e página di Facebook di Konseho Insular i via e kanalnan di televishon NOSTV i DCTV.