Oranjestad
Diabierna anochi 5 chauffeur a keda deteni pa maneha auto bao influencia di alcohol.
Diabierna unidad motorisa conhuntamente cu departamento di trafico a tene un control den trafico.
A controla pa chauffeurnan manehando vehiculo di motor bao di influencia di alcohol.
Diferente caminda strategico unidad motorisa a controla. L.G. Smith Boulevard, Adriaan Lacle Boulevard, Kamerlingh Onnestraat, retonde Las Americas y tambe retonde Mahuma.
A controlo por lo menos 120 auto, di cual 5 chauffeur a wordo detene pa maneha auto bou di influencia di alcohol.
Departamento di trafico tabata encarga cu e parti administrativo y e parti di e testmento di alcohol na warda di polis.
Di e 5 chauffeurnan cu a wordo deteni, 3 di nan a perde nan rijbewijs. Di cual nan lo NO por maneha un vehiculo di motor por lo pronto.
E resultado di mas halto pa e anochi tabata 920 ug/l.
Cuerpo policial ta recorda tur persona cu ta hasi uzo di nos careteranan cu ta prohibi pa maneha un vehiculo di motor bou di influencia di alcohol y/of otro substancia.
Un mensahe di Cuerpo Policial Aruba ta “Maneha conciente y corda riba bo seguridad y esnan den trafico”.
