272
Balashi – Diadomingo den oranan di atardi polis a wordo avisa di un auto cu a cay den lama, unda cu e Ferry Terminal di De Palm Island ta situa.
Na yegada di polis nan a compronde cu lo ta auto di un trahado, esta un dama cu lo a bay cay den lama.
Ta mustra cu e dama a logra sali, y pa e motibo eynan a solicita tambe pa ambulance.
Polis a tuma nota di e sucedido y cu e dama ta ok. Despues di esey nan bandona e sitio, unda cu compania di seguro mester a bay trata e caso.
Na e sitio nos no por a mira e modelo di e auto, debi cu esaki no tawata visibel mas for di e barancanan. No ta conoci pa nos con e incidente aki por a sosode.
Paramedico cu a yega na e sitio a atende cu e dama cu sigur lo a pasa den un susto di su bida.