169
L.G. Smith Boulevard: Diaranson algo pasa di mey anochi, polis ta wordo informa cu alarma di e oficina di Arke Fly a bay on y cu tambe posiblemente lo tin hende den e lugar.
Mesora a manda un patruya na e sitio y un patrol di e compania di seguridad tambe lo tabata na caminda.
Polis ta yega na e sitio y un rato despues e patrol di e compania di seguridad ta yega na e sitio.
Na e sitio e agentenan policial ta constata cu destruccion a wordo cometi cu e glas dilanti, pa asina e malechornan por a drenta.
Polis, hunto cu e compania di seguridad a controla e lugar, pero ya e ladronnan a bandona e sitio caba.
Segun nos a compronde, nan a bay directamente na e kluis, pero pa un of otro motibo no a logra bay cu nada.
No ta prome biaha cu un kiebro a wordo cometi na e oficina aki. Loke tambe nos mester bisa cu esnan cu a haci e kiebro aki tabata exponi, mirando cu ta caminda publico hopi trafica, no ta descarta e posibilidad cu cualkier persona lo por a mira cualke movecion sospechoso eybanda.