Polis ta detene Conocido Cacalaca Blanco un biaha mas den un auto horta

Paradera: Diamars anochi keho a wordo entrega di ladronicia di un auto Nissan March color zilver y den oranan di marduga, un agente atento den un patruya di polis cu tabata pasando dilanti Subway Paradera ta nota cu e auto ta similar na esun cu nan a horta den oranan di anochi.

Mesora a bay verifica y enberdad ta trata di e mesun auto cu a wordo horta den oranan di anochi. E agente mesora a bay atende cu e chauffeur y ta topa cu e conocido di polis “Cacalaca Blanco”, cu algun dia pasa tabata involvi en un ladronicia di auto.

Polis mesora a detene “Cacalaca Blanco” y e auto a keda confisca pa mas investigacion.