196
Meiveld – Diamars anochi den careda di 8’or polis a bay pura un supermercado situa na Meiveld, unda un hoben a wordo agredi.
Locual a sosode ta cu un persona lo a drenta pa horta of a horta un boter di whisky. Momento cu e la wordo stroba door di un adulto y un hoben e agresor a dicidi di bringa bek.
E la haci esaki door di morde e hoben na varios parti di su curpa, lagando e herida.
Polis cu a yega a solicita pa ambulance, mirando e heridanan cu e hoben a ricibi.
Na yegada di ambulance e Paramediconan a duna e hoben asistencia eynan mes.
Segun nos a compronde e persona cu a trata di horta lo ta un conoci di polis.
Polisnan lo a bay tira bista na un adres den Tarabana, unda e persona aki lo ta residencia.
A conseha e victima pa bay Recherche y haci un denuncia oficial di e agresion aki, unda cu e la wordo mordi door di un ladron di whisky.
