Hadicurari: Diaranson den careda di 10′ or y mey di mainta na beach di Hadicurari a pidi pa presencia di ambulance y polis, pa un turista cu no tabata duna señal di bida riba beach di Hadicurari.
Segun un turista na e sitio a contanos cu e homber lo a haya problema den lama. E la wordo saca for di lama poni riba beach y mientras tabata wardando riba ambulance esnan eybanda a cuminsa traha cu ne.
Na yegada di e prome ambulance a cuminsa dune CPR, despues di un rato un di dos ambulance a yega pa yuda nan coleganan pa sigui duna e homber CPR.
Asina cu a logra haya pulso a transporta e turista masculino den un estado critico, cu hopi urgencia pa hospital. Marriott hotel a duna su colaboracion na famia di e homber pa hiba nan hospital, caminda Slachtofferhulp lo topa cu nan y asi a dunan tur e asistencia necesario na e momentonan dificil aki.
