107
ORANJESTAD – Departamento di Obra Publico ta informa pueblo di Aruba en general y specialmente nos automobilistanan cu ta haci uzo di e caminda di Caya Maguey na Ponton cu dia 27 y 28 di juli 2017 lo bay construi dos verkeersplateau.
Dia 27 juli lo construi un verkeersplateau dilanti di Caya Maguey 2 y dia 28 di juli lo construi e otro Caya Maguey 11.
Rutanan alternativa lo keda indica cu baricadanan y borchinan di aviso y e orario di trabou lo ta di 7’or di anochi y ta programa pa caba 3’or di marduga.
En conexion cu e trabou menciona Departamento di Obra Publico ta pidi pa tene cuenta cu e inconveniencianan cu lo por surgi pa cual nos ta pidi nos disculpa.