Ponton – Diasabra anochi casi mesun area unda den oranan di marduga a sosode un accidente entre brommer cu auto, diasabra anochi algo pasa di 10’or di anochi ta bolbe sosode un otro accidente auto cu brommer.
Na yegada di polis nan ta haya un auto Hyundai Accent y un Harley Davidson.
E motociclista tawata ariba caminda.
Ambulance a yega hopi lihe y mesora a cuminsa duna asistencia.
Patras di su cabes e lo a ricibi un golpi fuerte, pero e tawata por a comunica si cu e Paramediconan.
Nos a compronde cu e Hyundai Accent tawata bayendo nort y casi mescos esun di marduga, e lo a pone señal pa bira y parse cu e Harley lo a keda bon strit y dal dilanti parti robes. Tambe mescos cu esun di marduga.
Polis di trafico a wordo pidi y tambe BFTO y tambe Slachtofferhulp.
E motociclista a wordo transporta pa Hospitaal.
Caminda a keda cera algun rato pa polis a haci nan investigacion.
