WILLEMSTAD, KORSOU:
Djamars 28 di febrüari 2023 alrededor di 20.43’or, Sentral di Polis a risibí informashon di un
insidente ku a tuma lugá den laman na Bapor Kibra kaminda un persona posibelmente a
keda seriamente leshoná.
For di investigashon preliminar a sali na kla ku un hòmber turista di nashonalidat Argentino
ku ta di bishita na Kòrsou huntu ku su famia riba un barku Krusero a bai landa na e sitio
ariba menshoná. Na dado momentu e hòmber a bai bula for di baranka i a dal su kabes pa
despues kai den laman.
Personanan presente a tuma nota di e situashon a saka e hòmber for di laman tres’é kantu
i a kuminsá reanim’é.
Ambulans ku a presentá na e sitio a tuma e reanimashon over i a transporté e hòmber den
un situashon krítiko pa CMC.
Na yegada na CMC dòkter di warda na Sala di emergensia a konstatá morto di e hòmber
Angelo Fabio Roman, nasé na Argentina, dia 23 di novèmber 1983.
Riba òrdu di Fiskal di Ministerio Públiko e kurpa a wòrdu konfiská pa por investigá e kousa
di morto.