Tanki Flip – Diadomingo marduga polis a bay pura Gio Burger situa pariba di rotonde na Tanki Flip. E motibo tawata un atraco arma.
Polisnan rápidamente a yega e luga, cu ta esnan cu ta habri anochi y keda habri te den oranan laat di marduga bendiendo cuminda.
Tawata rond cu 4’or di marduga cu polis a yega y a papia cu e persona y e la splica polis cu e luga lo tawata cera y un persona a yega bati pa e habri.
Den e esey e lo a mira e persona hinca man den su saco di carson y aki ta unda e la pensa cu e persona lo tin arma ariba dje, pues e no a mira ningun arma di candela.
Locual ta straño si ta cu e persona/nan lo no tawata tin bon intencion mirando con lihe nan a bandona e sitio den un auto, o sea cu velocidad halto.
Polisnan na e sitio a tuma tur dato di e cabayero cu sigur a pasa algun rato di susto.
