Paradera – Diahuebs mainta departamento di Labor, Polis, GNC y Cea a start un accion ariba personanan ilegal trahando den diferente negoshi.
Nos a logra capta un di accionnan, cu tawata ariba Hong Kong Supermarket situa na Paradera.
Na nos yegada ya e van nan di CEA tawata carga y nos a capta cu ainda algun mas tawata ser poni aden.
Ta trata segun a wordo bisa na e sitio, cu lo tawata un iniciativa di parti Departamento di Labor y hunto cu e otro departamentonan menciona ariba a drenta varios negoshi.
A concentra ariba e warehouse nan di e establecimiento nan.
Mucho informacion detaya no tin na e momento aki.
E momento cu nos tawata na e supermarket a ser papia di entre 20 cu 30 persona deteni, cu lo wordo pasa over pa Guarda Nos Costa.
Nan lo controla ken si y ken no ta ilegal ariba e isla, esaki debi cu kizas e momento eynan algun di esnan deteni no por a prueba cu nan ta legal ariba Aruba.
Razianan manera esaki lo continua.
