229
Warawara – Diaranson den oranan di mainta Brandweer a sali direccion Warawara, unda cu lo tawata tin un cas na candela.
Na e mesun momento a avisa e otro instancianan manera polis y Elmar.
Na yegada di polis y brandweer nan a constata basta huma saliendo di e cas.
Bomberonan mesora a drenta accion y nan a constata cu ta un camber lo ta na candela.
Ta trata di un cas di dos piso.
Algun rato despues nan a logra domina e candela, pero e cas si a keda yen di huma.
Brandweer a laga pidi un aparato pa ventila e cas debi cu no tin biento.
Polis a keda na e sitio tambe pa tuma dato di e incidente.
