Hot Zone – Diadomingo marduga algo pasa di 1:30 polis a bay pa un pelea un biaha mas ariba parkeerplaats patras di South Beach.
Polis na yegada no a bin topa cu e bringamento.
Algun minuut, despues e patruya a bin topa cu un homber(26) herida. E homber tawata tin dos hinca.
A pidi ambulance cu urgencia, mirando situacion di e homber.
Paramediconan cu a yega e sitio a transporta e homber cu urgencia pa Hospitaal.
Ambulance saliendo pa Hospitaal
Na Hospitaal a realisa cu e homber su situacion ta hopi serio, door di e hincanan cu e la ricibi uno na lomba y e otro den abdomen.
E victima prome cu e perde conocimento a bisa agentenan ken a hinke y ta resulta cu ta un conoci di polis.
Kiko a conduci cu a yega asina leu pa hinka un otro persona no ta conoci.
Lamentablemente mester bisa cu e areanan aki den oranan laat di marduga, ta varios caso di agresion y hincamento a yega di tuma luga.
Pues un area conoci pa problema.