140
Avenida Nelson O.Oduber – Diamars mainta pa mas o menos 8:30 polis a bay poco pazuid di e crusada di ex House of Cheng, unda cu un auto a accidenta.
Prome informacion a papia di un auto cu a bolter.
Na yegada di polis nan no a topa cu ningun auto gebolter.
Yegadando mas cerca nan ta topa cu un Mitsubishi Evolution color cora.
Ariba caminda por a mira un lastro di brake, indicando posibel velocidad halto bayendo zuid y dado momento a perde control baha caminda bay na su man drechi.
E auto a pasa cerca di un palo di luz y a bay dal contra un mata.
Den e auto tawata tin 4 persona, di cual un dama a haya unicamente un rasca.
