Departamento di Aduana ta informa brokers y importadornan encuanto servicio di baha carga

ORANJESTAD- Departamento di Aduana ta informa brokers y importadornan cu mirando e situacion di tempo pa awe 6 october y diabierna 7 october 2022 como tambe pa seguridad di Team Vrijmaking di aduana, lo duna servicio di baha container solamente na lugarnan cu tin dak y cu e carga ta completamente bou di un dak (no tent) na momento di haci control.

Dialuna venidero despues di haci un analisis di e situacion, servicio lo bay bek na normalidad.

Departamento di Aduana ta pidi pa brokers y importadornan pa tuma bon nota di e informacion comparti.